jump to navigation

Nabi Kareem Hazrat Mohammad s.a.w.s ko khuwab me Dekhna November 9, 2009

Posted by rohaniyat in Rohani Articles.
Tags:
trackback

Aap logo ne boht se wazaif aur amliyat parhe aur sune honge is topic per lakin jo me is bare me kehna chahta ho0n mandarja zail rewayat se aap bakho0bi samajh jaaingay Inshallah

Aik din aik shaks kisi ilm wale Sheikh k pass gaye aur kaha me khuwab me Huzoor s.a.w.s ko dekhna chahta ho0n. Mujhe koi aisi tarkeeb bata dijiye jiski madat se me apne maqsad me kaamyab hojaon!
Sheikh uss shaks ko ghor se dekhne laga phir us shaks ko kaha, ” tum aisa karo ke jiss mulaqat ka dil kare uss din machli khana aur usme jitna zyada hosake kho0b namak dalna lakin aik baat yaad rakhna paani ka aik qatra bhi nahi peena machli khane ke baad chahe tumhe kitni pyaas lage aur raat ko bhi machli usi tarkeeb se khana lakin pani nahi peena phir subah aaker mujhse milna!”
agle din uss shaks ne aisa he kia machli kho0b namak ke saath wese he khaai aur paani na piya aur raat ko shaadeed pyaas ki halat me sogaya aur subha apne khuwab ki dastan Sheikh ko sunane keliye chala gaya.
Sheikh ne po0cha batao raat ko khuwab me kia dekha? Kiya Nabi Kareem s.a.w.s ko khuwab me dekha ya nahi?
Uss shaks ne jawab diya Nahi! Sheikh ne po0cha to phir kya dekha tum ne?
Uss shaks ne bataya me ne dekha ke kho0b barish horahi hai har jagah paani he paani hai aur me paani me khara ho0n paani pee raha ho0n!
Sheikh ne kaha beta aisa isliye huwa keh tumhare dil aur soch me paani ki zyada pyaas thi Huzo0r s.a.w.s ki mulaqat ki pyaas na thi. . . .jiss din tumhare dil me uss paani ki pyaas ki tarha Huzoor s.a.w.s se mulaqat ki pyaas hogi uss din tum apne maqsad me kaamyab ho jao gay!
Boht se dost boht saare amal kar k dawa karte hain ke ji amal kiya lakin faida nahi huwa! Unkeliye me ye keh do0n amal to kar lete ho far far parh lete ho lakin wo yaqeen woh pyaas bhi to paida karo aap! Meri duwa hai ke aap log apne tamam naik maqasid me kamyaab hojayien aur mayusi ko apne ird gird bhi na bhatakne dain Ameen!

About these ads
Follow

Get every new post delivered to your Inbox.

Join 420 other followers

%d bloggers like this: